P10_TA(2025)0048Cúnaimh macrairgeadais don IordáinRún reachtach ó Pharlaimint na hEorpa an 1 Aibreán 2025 ar an togra le haghaidh cinneadh ó Pharlaimint na hEorpa agus ón gComhairle maidir le cúnamh macrairgeadais breise a sholáthar do Ríocht Haisimíteach na hIordáine (COM(2024)0159 – C9-0146/2024 – 2024/0086(COD))(An gnáthnós imeachta reachtach: an chéad léamh)Tá Parlaimint na hEorpa,

–ag féachaint don togra ón gCoimisiún chuig Parlaimint na hEorpa agus chuig an gComhairle (COM(2024)0159),

–ag féachaint d’Airteagal 294(2) agus d’Airteagal 212 den Chonradh ar Fheidhmiú an Aontais Eorpaigh, ar dá mbun a thíolaic an Coimisiún an togra do Pharlaimint na hEorpa (C9‑0146/2024),

—ag féachaint d’Airteagal 294(3) den Chonradh ar Fheidhmiú an Aontais Eorpaigh,

–ag féachaint do Riail 60 dá Rialacha Nós Imeachta,

–ag féachaint don mheasúnú buiséadach ag an gCoiste um Buiséid,

–ag féachaint don tuairim ón gCoiste um Ghnóthaí Eachtracha,

–ag féachaint don tuarascáil ón gCoiste um Thrádáil Idirnáisiúnta (A10-0038/2025),

1.ag glacadh a seasaimh ar an gcéad léamh mar a leagtar amach ina dhiaidh seo é;

2.á iarraidh ar an gCoimisiún an t-ábhar a tharchur chuig Parlaimint na hEorpa arís má dhéanann sé téacs eile a chur in ionad a thogra, má dhéanann sé a thogra a leasú go substaintiúil nó má tá sé ar intinn aige a thogra a leasú go substaintiúil;

3.á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.

P10_TC1-COD(2024)0086Seasamh ó Pharlaimint na hEorpa arna ghlacadh ar an gcéad léamh an 1 Aibreán 2025 chun go nglacfaí Cinneadh (AE) 2025/... ó Pharlaimint na hEorpa agus ón gComhairle lena soláthraítear cúnamh macrairgeadais do Ríocht Haisimíteach na hIordáine(Ós rud é gur tháinig an Pharlaimint agus an Chomhairle ar chomhaontú, comhfhreagraíonn seasamh na Parlaiminte don ghníomh reachtach críochnaitheach, Cinneadh (AE) 2025/793.)